Mjaftoi një foto e Alfio Rrotanit në rrjete sociale për të zbuluar historinë e dashurisë me moderatoren simpatike, Fatma Methasani. Që prej atij momenti dyshja e njohur nuk kanë ngurruar të shfaqen bashkë në çdo moment e t’i shprehin hapur dashurinë njëri-tjetrit. Ata duken si çifti perfekt dhe mund të kuptohet lehtësisht se kanë një lidhje shumë të ngushtë së bashku.
Duket se suksesi në marrëdhënien e tyre qëndron në faktin se ata kanë marrë më të mirat e njëri-tjetrit. Së fundmi në një intervistë për ‘IndeksOnline’, Fatma ka zbuluar se Alfio e ka ndryshuar shumë si njeri. “Më ka ndryshuar shumë…nuk jam më ajo Fatma që i ruaja gjërat e mia private si histerike! Tani jam pjesërisht kështu. Unë madje bëhem me shumë turp kur ka vëmendje të madhe rreth meje…prandaj dhe shkoj gjithmonë vonë në intervista”, ka thënë moderatorja.
Ajo ka shtuar se në të ardhmen do të donte që të kishte një vajzë, ndërsa Alfio një djalë, megjithatë ka ende kohë për këtë gjë, sepse ajo ende nuk e ka marrë propozimin për martesë nga partneri i saj. Kujtojmë se dyshja e njohur më herët kanë punuar në të njëjtin televizion , “In TV”, por në një intervistë për “RevistaWho.Com” të pak muajve më parë ata kanë zbuluar se për një vit nuk e kanë takuar kurrë njëri-tjetrin. /revistawho.com
