Faton Shoshi është një nga menaxherët më të njohur të këngëtarëve nga Kosova. Kohët e fundit ai ka qenë pothuajse gjatë gjithë kohës në qendër të vëmendjes së mediave rozë. Ndarja nga Era Istrefi më pas konflikti me Dj Blunt dhe Real 1, të gjitha këto ngjarje kanë bërë që emri i tij të përflitet shumë.
Edhe ditën e sotme diçka e çuditshme dhe jo shumë e kuptueshme po i habit të gjithë. Përpara pak minutash ai ka postuar dy video në ‘InstaStory’ ku duket duke udhëtuar për në Rrëshen. Por ajo që tërheq vëmendjen është një makinë policie që paraprin gjatë gjithë kohës makinën e Fatonit.
Në njërën nga videot e postuara Fatoni ka shkruar: “Kur jemi me vones”. Pas kësaj kuptohet se me siguri menaxherit të njohur i duhet të shkojë me urgjencë diku, prandaj është dashur ndërhyrja e policisë për t’i hapur rrugën. Eh, kjo gjë dihet shumë mirë nga të gjithë tashmë, të jesh një person i famshëm do të thotë të kesh në dorë shumë favore. /revistawho.com
