Fedez zbuloi javën e kaluar se ka një problem shëndetësor, të cilin e kanë kapur në kohën e duhur. Sot me anë të një postimi në llogarinë e tij në “Instagram”, artisti ndau lajmin se dy ditë më parë iu nënshtrua një ndërhyje kirurgjikale, ku duket se çdo gjë ka shkuar mirë. Ai zbuloi gjithashtu se vuan nga një lloj i rrallë tumori në pankreas.
“Javën e kaluar zbulova se kam një tumor të rrallë neuroendokrin të pankreasit. Një nga ata që nëse nuk i trajtoni në kohë, nuk është një bashkëjetues i këndshëm për ta pasur brenda trupit tuaj. Bëra një operacion që zgjati 6 orë për të hequr një pjesë të pankreasit (përfshirë edhe tumorin). Dy ditë pas operacionit, jam mirë dhe mezi pres të shkoj në shtëpi te fëmijët e mi. Do të duhet pak kohë. Faleminderit mjekëve, kirurgëve dhe infermierëve që kanë qenë pranë meje gjatë këtyre ditëve intensive. Një falenderim i madh edhe për të gjitha mesazhet e mbështetjes dhe pozitivitetit që më dërguat. Ju dua… Federiko”, shkruan Fedez.
https://www.instagram.com/p/CbfKR0aoL8B/
Nga ana tjetër edhe Chiara Ferragni ka postuar një foto nga spitali fiks pak para operacionit të bashkëshortit ët saj, ku shkruan: “Kjo foto u kap të hënën pasdite në spital, një ditë para operacionit delikat të tij në pankreas. Ishim të frikësuar për gjithçka: diagnozën e tij, operacionin, rikuperimin, jetën tonë dhe të ardhmen e familjes sonë. Operacioni të martën shkoi mirë dhe ai po merr veten, me shpresën se së shpejti ky do jetë një kujtim i keq që na mësoi dhe njëherë tjetër sa e rëndësishme është të shijojmë çdo moment të jetës sonë. Faleminderit të gjithë atyre që na dhanë dashuri dhe u lutën për ne. Ju na dhatë forcë”.
https://www.instagram.com/p/CbfKWeaqxTe/
Me tej Chiara ka publikuar edhe një album fotosh nga ditët para dhe pas operacionit të Fedez./revistawho.com
https://www.instagram.com/p/Cbfb7hyq_V0/
