Chiara Ferragni është larguar me shpejtësi nga “Java e Modës” në Paris pas një operacioni urgjent të cilit i është nënshtruar Fedez. Ajo nuk bëri asnjë reagim në rrjetet socialie, por vetëm u rikthye në shtëpi. Të vetmet foto që postoi blogerja ishin ato me dy fëmijët. Por sot ka qenë Fedez ai që ka reaguar përmes një “Instastory”.
“Ju falënderoj të gjithëve për mesazhet që më keni dërguar, sepse suporti në situata të tilla bën gjithmonë mirë. Për fat të keq jam shtruar në spital për shkak se ulçera më ka shkaktuar hemoragji të brendshme. Falë dy transfuzioneve me gjak, tani jam shumë mirë. Falënderoj stafin mjekësor që më ka shpëtuar jetën”, ka shkruar ai. Kujtojmë se një vit më parë, këngëtari u përball me një sëmundje të rëndë, tumor në pankreas, për të cilin iu nënshtrua edhe një operacioni.
