Ditët e beqarisë për Leonardo Di Caprio -n, po shkojnë drejt fundit. Aktori 40 – vjeçar është fejuar me të dashurën e tij, Kelly Rohrbach shkruan “Klan”. Një burim i tha revistës OK!, se ylli i “Wolf of Wall Street” ka surprizuar modelen bukuroshe të Sports Illustrated muajin e kaluar, duke i propozuar për martesë. Revista raporton se ky propozim ka ndodhur gjatë një darke intime mes tyre në New York, më 26 shtator. “Leo ndaloi teksa e vështronte dhe i tha se donte të kalonte gjithë jetën pranë saj”, raporton revista OK!. “Kelly u shokua, por aktori e bindi atë duke i thënë se e ndjeu këtë propozim dhe ajo pranoi pas një puthjeje”. Revista shkruan gjithashtu se tashmë aktori dhe modelja 25 – vjeçare kanë filluar të planifikojnë dasmën e tyre. Rohrbach dhe DiCaprio janë njohur gjatë festës së ndarjes së çmimeve Oscar, në shkurt 2015.
Fejohet Leonardo Di Caprio
