Vera na ofron mundësinë për të kaluar më shumë kohë me familjarët, për shkak të ditëve të pushimit. Disa zgjedhin të arratisen drejt detit, ndërsa të tjerë preferojnë që orët e nxehta t’i kalojnë në freskinë e malit. Të njëjtën gjë ka zgjedhur të bëjë edhe Valbona Selimllari, e cila së fundmi ka vizituar një nga vendet më të bukura në Shqipërinë e Veriut. Së bashku me një nga djemtë dhe vajzën Vivien, Valbona ka ngjitur majën e Jezercës. Ish-miss Shqipëria ka pozuar në një fotografi përkrah dy fëmijëve të saj dhe të tre ata shfaqen duke mbajtur në duar një flamur shqiptar.
Përkrah fotografisë Valbona ka shkruar: “Liqenet e Jezercës me dashuritë e mia që u ngjitën vetë dhe i sfiduan të gjithë të rriturit”. Jezerca është maja më e lartë e Alpeve Shqiptare, që jo çdokush do guxonte ta ngjiste, ndaj fëmijët e Selimllarit janë vërtet një shembull i mirë për të rriturit. Kemi vënë re shpesh se Valbona shoqërohet në çdo vend që viziton nga fëmijët e saj, një mënyrë e mirë për t’i njohur ata me bukuritë natyrore të Shqipërisë. Kujtojmë se bukuroshja e ekranit shqiptar është nënë e tre fëmijëve dhe rrallë herë ndodh që ajo të shfaqet me ta në rrjete sociale. /revistawho.com
