Orgesa Zaimi përveç punës së saj si këngëtare prej kohësh i është dedikuar edhe një pasioni tjetër, drejtimit të programeve radiofonik. Artistja e njohur është pjesë e radios “Club FM”, ku drejton programin muzikor, “MusicBox”, që transmeton këngët më të bukura ndër vitet dhe ato më të rejat.
Këtë pasion për radion duket se Orgesa e ka trashëguar edhe tek dy fëmijët e saj, Bora dhe Kroni, që sot kanë bërë provën e parë për drejtimin e një emisioni. Këngëtarja ka treguar në ‘Instagram’ se ditën e sotme vogëlushët kanë shkuar për vizitë në vendin e saj të punës. Ajo ka publikuar një video, në të cilën Kroni dhe Bora shihen duke folur në mikrofon si dy moderatorë. Përveçse çiltërsisë si fëmijë, vihet re se të dy janë shumë të zhdërvjellët në të folur dhe ndoshta në të ardhmen mund të jenë zëvendësuesit më të mirë të mamit në radio.
https://www.instagram.com/p/Bxxd5QFlzWm/
Gjithashtu në video dëgjohet teksa Bora dhe Kroni tregojnë se në të ardhmen duan të bëhen këngëtarë dhe se ju pëlqen shumë radioja. Ky është shembulli perfekt që tregon se fëmijët janë shëmbëlltyra më e mirë e prindërve dhe se pasionet në përgjithësi janë të trashëgueshme. /revistawho.com
