Noizy është një prej artistëve më të suksesshëm të estradës sonë.
Teksa së fundmi po merret me një fushë të re, siç është ajo e aktrimit, ai nuk lë pas dore edhe koncertet, këngët e reja dhe kontaktin me fansat e tij.
Në një intervistë për “Daily Express” ai nuk ka lënë pa përmendur edhe ndikimin e rrjeteve sociale në jetën tonë, duke shtuar se i vjen keq që fëmijët e tij do të jetojnë në një mjedis të tillë.
“Unë kam jetuar shumë mirë dhe shumë i sigurt për një kohë të gjatë derisa kanë nisur të më ndjekin disa budallenj kryesisht në TikTok, disa njerëz injorantë, që kanë mundur të shfaqen në botë përmes Tik Tok-ut, u ka dhënë një dritare idiotëve, nuk e dija se Shqipëria ka pasur kaq shumë idiotë, derisa u shfaq TikTok.
Më vjen keq për fëmijët e mi, kur ata të rriten nuk e di më vjen të shkoj në një mal, të ndërtoj një mur dhe të jetoj atje që fëmijët e mi të mos shohin tutje duke ju thënë s’ka gjë të bukur atje, pa telefona me siguri për një kohë të gjatë. Falë zotit e kam këtë mundësi”, ka thënë ai.
