VIP-at janë ndër të parët që ecin në një hap me modën e shpeshherë edhe sjellin tendenca të reja. Së fundmi “revistawho.com” vuri re se shumë prej vajzave të famshme shqiptare janë shfaqur me një model flokësh që është shumë i lehtë për t’u realizuar. Bëhet fjalë për gërshetin dhe me siguri të paktën një herë në jetën tuaj i keni kapur flokët gërshet. Gërsheti duket se është kthyer në modë këtë vit pasi vipa si Lori Hoxha, Agnesa Vuthaj, Dafina Zeqiri, Loredana, Dhurata Dora apo Arta Elezaj janë shfaqur me këtë model flokësh. Mbi të gjitha gërsheti është një model që mund të përdoret në çdo rast dhe shkon me çdo ngjyrë flokësh./revistawho.com
