Fero dhe Arbenita Ismajli janë një nga çiftet më të pëlqyera të showbiz-it shqiptar. Së fundmi, nëpër portale u përfol se modelja dhe reperi mund të ishin në një pritje të ëmbël, kjo për shkak të një videoje ku Arbenita u shfaq me barkun pak të fryrë. I ftuar sot në ‘E Diell’, Fero ka folur pikërisht për këtë temë. “Kur e kam parë si lajm kam qeshur. Nuk më zuri frika sepse është shumë normale që kjo gjë të ndodhë për të gjithë çiftet e showbiz-it. Edhe pse jam i ri, jam i përgjegjshëm”, u shpreh reperi. Ai gjithashtu tha se për momentin fokusi i tij është karriera dhe ky nuk është momenti i duhur për tu bërë baba. “Unë nëse vendos të bëhem baba, nuk do të kem mundësi të merrem me të gjitha këto, ndaj tani për tani jam i fokusuar vetëm në karrierë”, përfundoi Fero. Kujtojmë se Arbenita dhe Fero bënë një ‘lojë’ së fundmi, ku thanë se ishin ndarë, por më pas pranuan se vazhdojnë të kenë një lidhje shumë të shëndetshme./revistawho.com
