Edhe pse më parë kishte deklaruar se do të largohej nga muzika, Fero duket se ka ndryshuar mendje. Reperi ka publikuar disa fragmente nga projekti i tij më i ri, i cili ka shkaktuar reagime të forta në publik.
Kënga e re duket se i drejtohet ish-partneres së tij, Arbenita Ismajlit, dhe përmend çështjet ligjore për kujdestarinë e vajzës së tyre. Po ashtu, Fero lëshon një referencë të drejtpërdrejtë ndaj një figure publike, motrës së presidentes së Kosovës, Vjosa Osmanit e cila është gjithashtu avokatja që përfaqson Arbenitën në çështjen e kujdestarisë së vajzës, duke thënë ndër të tjera se:
“Se kam pa çikën që tetë muaj… i çoj të fala motrës së presidentes.”
Kujtojmë se pak kohë më parë, Fero deklaroi tërheqjen e tij të plotë nga muzika, për t’u fokusuar plotësisht te studimi i fesë islame.
