Fero sërish në probleme, sherr në një nga koncertet e tij

Fero është një nga reperët që është shfaqur vitet e fundit në showbiz-in shqiptar. Që prej daljes së tij të parë, ka pasur shumë komente për mënyrën se si artisti i ri u shfaq.
Përveç këtyre, kanë qenë të ndryshme dhe rastet kur ai është konfliktuar me njerëz të tjerë, qoftë në ‘Instagram’ por dhe në koncertet që ai ka mbajtur.
Së fundmi Fero ka qenë dje duke performuar në një lokal në Mitrovicë dhe kjo shfaqje e këngëtarit nuk ka shpëtuar pa incident.
Në një video të bërë ‘live’ nga vetë reperi në ‘Instagram’, ai bën me faj sigurimin e lokalit sepse sipas tij, ata kanë bashkëpunuar me personat të cilët kishin në plan ta sulmonin.
Ende nuk dihet shkaku i vërtetë i këtij incidenti në koncertin e mbajtur dje nga Fero.