Vetëm pak orë pasi Arbenita shpërtheu me akuza të forta ndaj ish-bashkëshortit të saj, reperi Fero ka reaguar ashpër përmes Instastory.
Modelja publikoi pretendime që përfshinin dhunë fizike dhe psikologjike, përdorim substancash narkotike, manipulim, tradhti dhe mungesë përgjegjësie ndaj vajzës së tyre, Ninës. Por, Fero nuk e la pa përgjigje.
“3 vite më vonë tani zgjohesh me akuza të rreme? Kush të ka mësuar të shkruash? As të shkruash s’din, je analfabete,” shkruan reperi, duke mos kursyer fyerjet ndaj ish-gruas së tij.
Sipas Arbenitës, ajo gjithmonë i ka lejuar Feros të kalonte kohë me vajzën dhe të merrte pjesë në jetën e saj, duke përfshirë pushimet që kanë bërë së bashku. Megjithatë, ajo thekson se Fero ka bërë deklarata të rreme rreth kujdestarisë së Ninas, duke shtuar se ajo ka rimarrë kujdestarinë e vajzës në vitin 2024 pas një periudhe kur ajo kishte kaluar te reperi.
Në reagimet e saj më të fundit, Arbenita shokoi publikun duke thënë: “Më ka goditur gjatë kohës kur isha shtatzënë.”
Lufta e deklaratave mes çiftit duket se nuk do të ndalet së shpejti, ndërsa rrjetet sociale janë mbushur me komente dhe mbështetje për secilën palë
