Festa e beqarisë së Meghan Markle nuk do të jetë “një festë e çmendur”

Jemi mësuar që në festat e beqarisë si vajzat ashtu dhe djemtë ftojnë miqtë më të mirë dhe deri diku e kthejnë në një festë të shfrenuar. Por me familjen mbretërore nuk ndodh e njëjta gjë. Sipas ‘UsWeekly’ Meghan Markle nuk po planifikon që të bëjë një festë tipike beqarie, sepse ajo do të përfshijë jo vetëm femra, por edhe meshkuj. Meghan do të bëjë një ‘party’, por nuk do ta cilësojë si festa e beqarisë, do të ketë ushqime, pije dhe muzikë të mirë. Nuk do të jetë një “festë e çmendur”, do të festohet thjesht për miqësinë dhe dashurinë. Të ftuarit do të jenë miqtë më të mirë të Meghan, Markus Anderson, Lindsay Jill Roth dhe Jessica Mulroney, të cilët do të zenë vendet kryesore në tavolinë. Ashtu siç është thënë edhe më parë aktorja dhe Princi Harry kanë vendosur që me dasmën t’i bëjnë gjërat sipas dëshirës së tyre, por pjesën e traditës nuk do ta lënë asnjëherë mënjanë. /revistawho.com