Ditën e djeshme vogëlushja e Kylie Jenner dhe Travis Scott festoi ditëlindjen e saj të parë. Në këtë ditë të veçantë nëna e saj kishte organizuar një festë madhështore, ashtu si Kardashianët e kanë traditë. Por pavarësisht mundit dhe dëshirës së madhe për t’u realizuar, festa dështoi. Ajo e kishte organizuar festën në natyrë dhe reshjet e paparashikueshme të shiut e prishën atmosferën.
Pas kësaj 21-vjeçarja bëri një festë private brenda në shtëpi, ku të pranishëm ishin vetëm familjarët e saj. Në rrjetet sociale Kylie publikoi disa nga pamjet dhe duket se të gjithë janë kënaqur shumë.
Kujtojmë se pak javë më parë festoi ditëlindjen vogëlushja e Kim Kardashian dhe tani e ka radhën vajza e Khloe Kardashian. Vitin e kaluar tre motrat sollën në jetë vajzat brenda një afati të shkurtër kohor./revistawho.com
