Qielli është një vend në Tokë. Ferri, Purgatori, Parajsa kanë marrë formën e një komedie ultra-bashkëkohore hyjnore, në vizionin e Riccardo Tisci. Jemi në Milano, në javën e modës dhe eventi i vitit i “Vogue Italia”. Pas ndarjes nga jeta të kryeredaktores historike të “Vogue Italia”, Franca Sozzani, para pak javësh u emërua në vend të saj Emanuele Farneti. Me këtë rast “Vogue Italia” organizoi eventin e vitit. Aq i rëndësishëm ishte eventi sa drejtor artistik u zgjodh Ricardo Tisci (ish-stilist i Givenchy), tani designer për linjën e atleteve të luksit “Nike”. “Vogue Italia ka qenë gjithmonë një thirrje ndërkombëtare, por sot ajo dëshiron të kërkojë me forcë rrënjët e saj italiane dhe ndryshimin e madh që vendi dhe sistemi i modës po kalojnë. Kjo është arsyeja pse ne i kërkuam Riccardo Tisci, i cili është një nga zërat më të dëgjuar italianë në botë, për të kontribuar me vizionin e tij “, thotë Emanuele Farneti. Mbrëmja u ndoq nga modele, të famshëm, projektues dhe protagonistët e sistemit të modës italiane dhe jashtë vendit. Po përmendim vetëm disa emra si Naomi Campbell, Claudia Schiffer, Simona Ventura, Fabio Volo, Allegra Versace mbesa Gianni Versace. Në të pamë që ishin vetëm dy shqiptarë: Stilisti i talentuar Joni Peçi së bashku me mbretin e rrjeteve sociale, Olti Curri. Fillimi i ri” (Rilindja), siç ishte cilësuar eventi më i rëndësishëm i vitit i “Vogue Italia”, ashtu shpresojmë të jetë dhe për dy personazhet e njohur shqiptarë. “Vogue Italia” është duke u përpjekur të krijojë forma të reja të bashkëpunimit me dizajnerët dhe krijuesit nga vendet e Evropës lindore. / tiranapost.al
