Mbrëmjen e djeshme babai i Dua Lipës festoi 50-vjetorin e lindjes në një festë madhështore. Këngëtarja shqiptare së bashku me familjen e saj kishin përgatitur një surprizë të veçantë për babain. Në një ambient shumë festiv ata mblodhën një pjesë të njerëzve më të afërt për ditëlindjen e Dukagjinit.
Nën ritmet e muzikës moderne ata kanë festuar deri në orët e para të mëngjesit përkrah njëri-tjetrit. Ditën e sotme Dua publikoi edhe disa fotografi nga festa, në të cilat shihet se e gjithë familja e tyre e ka shijuar në maksimum festën.
Madje duhet shtuar se prindërit e Duas duken shumë modernë dhe babai i saj tregon sa gjysma e moshës së tij të vërtetë.
Ndërkohë në foto dallohet qartë se Dua ka një lidhje shumë të ngushtë me të atin, i cili ka shërbyer edhe si udhërrëfyesi i saj në karrierën artistike.
Kujtojmë se Dukagjin Lipa ka qenë vokalist i grupit të njohur të ‘rock-ut’, “ODA”. /revistawho.com
