Tre vite më parë Blendi Fevziu provoi edhe njëherë emocionet si baba i një vajze. Shtëpisë së tij ju bashkua një pjesëtare e re, e vogla Alis, që u duk se rrëmbeu të gjithë vëmendjen. Blendi shpesh ka treguar se ka një lidhje shumë të ngushtë me dy vajzat, Mishel dhe Alis. Megjithatë më të voglën duket se e ka pikë të dobët dhe shpesh nuk ngurron që të publikojë fotografi me të. Sot e vogla e Blendit feston 3-vjetorin e lindjes dhe për të është organizuar një festë. Shumë e lumtur në krahët e të atit, Alis shihet e veshur si një princeshë me një fustan me nuanca rozë. Nga fotografia e vetme që Fevziu ka publikuar në ‘Instagram’ shihet se festa e ditëlindjes është organizuar në një ambient të jashtëm mes gjelbërimit. Sigurisht që 3 tetori duhet të jetë një ditë shumë e veçantë për familjen e tyre, prandaj dhe festa nuk kishte si të ishte ndryshe. /revistawho.com
