Festivali Kanë 2018 këtë vit është kthyer në një protestë që ka bashkuar shumë nga femrat e ekranit së bashku. Midis tyre ishin Cate Blanchett, Kristen Stewart dhe Jane Fonda. Ky festival është vënë para kritikave, për mospërfshirjen e filmave që kanë regjisore femra.
Jo më kot femrat më të njohura janë kthyer kundër diskriminimit gjinor që bën kjo industri, duke u kapur krah për krah, gjatë parakalimit në tapetin e kuq.
Ky është i pari festival i filmit në Kanë që kur akuzat për abuzim seksual u hodhën kundër producentit Harvey Weinstein, vitin e shkuar. Akuzat për ngacmime seksuale janë shtuar shumë së fundmi, pasi personazhe të njohur kanë deklaruar se janë ngacmuar në sheshxhirim. Kjo është hera e dytë që ndërmerret në mënyrë simbolike një protestë kundrejt diskriminimit gjinor. Kujtojmë se në Golden Globe shumë yje u veshën me të zeza në formë solidariteti./revistawho.com
