Është mbajtur në Massachusetts, SHBA, festivali i parë i filmit, i cili u zhvillua nga data 31 maj deri më 2 qershor në Katedralen Ortodokse Shqiptare të Shën Gjergjit. Producent i këtij festivali ishte aktori i mirënjohur shqiptar Erand Sojli. Ai jeton prej vitesh në SHBA. E ftuar speciale e këtij eventi kinematografik ishte edhe aktorja e njohur shqiptare Mariana Kondi, e cila u vlerësua me çmimin “Albanian Excellence”. Këtë e ka bërë të ditur vetë aktorja përmes një postimi në “Instagram”, ku ka falënderuar shqiptarët që jetojnë në Boston për emocionet që ka përjetuar atje.
Kujtojmë se fitimet e këtij festivali do t’i shkojnë AFC (Albanian Fighting Cancer) dhe për qendrën kulturore Fan S Noli.
