FIER/ Bie nga kati i 4 dhe vdes lakuriq, fqinjët: E hodhi burri, e shtyu me këmbë

Një grua është rrëzuar nga kati i 4 i një pallati në Fier, e për pasojë ka gjetur vdekjen. Viktima është Liljana Ruko, e cila ndërroi jetë rrugës për në spital, teksa ngjarja ka ndodhur në lagjen ‘Kryengritja’.  Policia ka shoqëruar në komisariat bashkëshortin e saj, pasi ka dyshime se mund të ketë hedhur ai gruan pas ndonjë sherri të mundshëm mes tyre. Çifti Ruko ishte kthyer nga Gjermania pak kohë më parë, ku kishin shkuar për të kërkuar azil, por iu ishte refuzuar, raporton “Syri.net”. Sipas banorëve dhe dëshmitarëve, 43-vjeçarja u hodh nga burri i saj, i cili e shtyu nga dritarja e tualetit të katit të 4-t të apartamentit të tyre. Sipas dëshmisë së banorëve, viktima Liljana Ruko tentoi të mbahej, por bashkëshorti e shtyu me këmbë. Fqinjët thonë se gruaja ka qenë lakuriq kur u rrëzua nga lartësia. Policia shoqëroi bashkëshortin për ta marrë në pyetje për sqarimin e rrethanave.