E ftuar në emisionin ‘Treshat’, artistja e njohur, Fifi ka folur ndër të tjera dhe për marrëdhënien e saj me këngëtaren Eneda Tarifa, pas fitores së kësaj të fundit në kompeticionin e përvitshëm ‘Kënga Magjike’. Fifi ka sqaruar se vazhdon të ruajë raporte të mira me Enedën dhe se e vlerëson, për shkak se atë e vlerësoi dhe me pikët maksimale në festival.
E pyetur nga Bora Zemani, nëse Eneda e mbajti fjalën për t’i dhënë gjysmën e kupës siç premtoi, Fifi tha se nuk ka nevojë për kupë.
“Një kupë mu ka thy prej tërmetit. Nëse e kam ndjerë një konkurrent në ‘Kënga Magjike’ ka qenë Eneda Tarifa. Dolën fjalë që i kisha paguar fansat në skenë. Pasha allahun të kisha pare t’i paguaja, nuk i kisha lënë, po s’i kam aq pare sa t’i paguaj njerëzit. U ndjeva e bekuar, por më ka ardhur keq për pozicionin që ka qenë Eneda. Ajo e mori me sportivitet”, u shpreh Fifi.
Ndër të tjera ajo shtoi se nuk do të marrë pjesë në festivalin e radhës të ‘Këngës Magjike’, ndonëse jetës nuk i dihet./revistawho.com
https://www.instagram.com/p/B7Y2_iGj9-v/
