Sot për këngëtaren Filloreta Raçi, e njohur me emrin e artit Fifi është një ditë e veçantë. Ajo feston ditëlindjen dhe mbush plot 25 vite. Ndoshta këtë detaj askush nuk e dinte më herët, por ka qenë vetë Fifi që e ka bërë të ditur. Këngëtarja ka publikuar në ‘Instagram’ një foto, në të cilën shkruan datën e lindjes dhe datën e sotme: “31/03/1994 – 31/03/2019”.
Ndonëse vetëm 25 vjeçe, Fifi numëron me dhjetra hite muzikore si: ‘Zhurmë’, ‘Krimineli i zemrës’ apo dhe bashkëpunimi i fundit me Mc Kreshën ‘Psikopatja jote’.
Kujtojmë që Fifi ndër të tjera është edhe një tekstshkruese shumë e mirë duke kontribuar në repertorin muzikor të shumë këngëtarëve./revistawho.com
