Që prej daljeve të saj të para në skenë e deri më tani ishim mësuar ta shihnim gjithmonë me flokë të gjatë dhe në ngjyrë të zezë. Mirëpo duket se së fundmi, këngëtarja e njohur nga Kosova, Fifi, ka vendosur të ndryshojë ‘look’ në mënyrë drastike duke u kthyer në bionde. Pak më parë ajo ka publikuar në ‘Instagram-in’ e saj disa foto, ku vihet re ndryshimi i dukshëm në pamjen e saj.
Menjëherë pas këtij momenti, në llogarinë e Fifit nuk kanë munguar komentet e shumta nga ndjekësit, të cilët e komplimentonin për këtë ‘look’ të ri. As ajo nuk ka ngurruar të shprehë se i duhej ky ndryshim për disa kohë. Nuk dihet nëse Fifi ka vendosur që në projektet e saj të radhës të shfaqet me këtë pamje, megjithatë kjo pritet të zbulohet në javët në vazhdim.
Kujtojmë se vetëm pak ditë më parë Raçi tregoi se shumë shpejt do të sjellë një këngë të re e cila do të jetë në bashkëpunim me Luana Vjollcën, xhirimet e të cilit duket se kanë filluar./revistawho.com
