Pas një videoje virale ku shfaqet së bashku me këngëtaren Egli, Fifi ka reaguar ashpër ndaj komenteve negative që kanë pushtuar rrjetin.
Artistja shqiptare, e njohur për natyrën e saj të drejtpërdrejtë, ka zgjedhur të ndajë zhgënjimin e saj me ndjekësit në rrjete sociale, duke vënë në shënjestër sidomos llogaritë e rreme që, sipas saj, paragjykojnë çdo hap të saj si artiste.
“Po shoh plot komente, plot zhgënjime, plot fake accounts që paragjykojnë lëvizjet e mia si artiste, më saktësisht si producente,” shkruan Fifi në një postim.
Ajo zbulon se së bashku me Eglin kanë punuar për një projekt të ri muzikor, i cili publikohet nesër, dhe thekson se kjo nuk është një përpjekje për vëmendje në rrjete sociale, por një rikthim i denjë për një artiste të vërtetë.
“Nesër në orën 18:00 del projekti i ri ‘Jete’ i saj dhe shpresoj shumë ta kuptoni punën e madhe që kemi bërë si ekip,” shton Fifi, duke e bërë të qartë se Egli nuk po luan rolin e një influencueseje, por është “një artiste e vërtetë” dhe se ajo “nuk është vetëm por ka një ekip të madh që po punon për të”.
Duke mbyllur reagimin, këngëtarja ndau edhe një mesazh dashurie për fansat e saj:
“LOVE YOU GUYS.. FIFI.”
