Këngëtarja e hiteve ‘Nanush 1’ dhe ‘Nanush 2’, Fifi ka fituar zemrën e publikut jo vetëm me zërin e bukur, por edhe me karakterin e fortë që e tregon në çdo moment. Në një intervistë për ‘Gazeta Shqiptare’ ajo ka folur ndër të tjera edhe për faktin që të tjerët flasin për pamjen e saj fizike.
“Nuk më shqetësojnë fjalët e të tjerëve. Unë dua të bie dhe 10 kile për të mos qenë mbipeshë dhe kjo më leverdis për shëndetin tim, por nuk dua të kem përmasat e ashtuquajtura perfekte. Trupi perfekt nuk ekziston për mendimin tim. Askush nuk mund të më thotë cili është trupi perfekt dhe unë nuk dua ta arrij një të tillë”,-ka thënë Fifi. Edhe herë të tjera 23-vjeçarja e ka shprehur që nuk i intereson mendimi i të tjerëve për këtë pjesë, por jo aq fortë sa ditën e sotme. Siç edhe ajo ka thënë, dëshira e vetme që ka është të vlerësohet për muzikën që bën./revistawho.com
