Dy ditë më parë Fifi deklaroi se nuk do të ishte më pjesë e “Shiko kush luan” për shkak të Luana Vjollcës. Fansat e këngëtares nuk e pritën mirë këtë lajm, por siç duket e gjithë kjo ka qenë një lojë e përgatitur nga emisioni. Ditën e sotme nisi sezoni i ri i “Shiko kush luan” dhe gjatë një loje përballë Lumi B, Fifi është detyruar të bëjë atë deklaratë në ‘Instagram’.
Përveç kësaj këngëtarja tregoi se i kishte ndodhur një incident dhe se kishte dy të qepura në mjekër, ndaj nuk mund të këndonte puntatën e parë. Kjo do të thotë se Fifi do të vazhdojë të jetë këngëtare e “Shiko kush luan” dhe vetëm për mbrëmjen e sotme është zëvendësuar nga Era Rusi. Ky është sezoni i tretë i “Shiko kush luan”, ndaj të gjithë ishin mësuar me prezencën e Fifit. Këtë vit emisioni ka pësuar disa ndryshime në rubrika dhe stafit i është bashkuar Rezart Veleshnja, si një nga kapitenët e skuadrave. /revistawho.com
