Fifi është një nga këngëtaret e ‘showbiz-it’ shqiptar, e cila rrugëtimin në muzikë e nisi si repere, por më pas e pamë të sjellë disa balada tepër të suksesshme të cilat u kthyen në një hit menjëherë pas publikimit të tyre. Pas shumë projekteve muzikore që ka sjellë, ajo ka zbuluar së fundmi në llogarinë e saj në ‘Instagram’, një prej bashkëpunimeve më të veçanta që mund të kishim dëgjuar ndonjëherë.
“Çfarë po ndodh midis këtyre të dyjave”-, ka shkruar Filloreta në foton e publikuar ku shfaqet krah Luana Vjollcës. Siç duket dyshja është duke përgatitur një projekt të ri muzikor, i cili do të vijë në muajt e nxehtë të verës 2019.
Menjëherë pas këtij momenti, në llogarinë e Raçit kanë mbërritur komente të ndryshme nga ndjekësit e dy vajzave, të cilët kanë nxituar të pohojnë se janë duke bashkëpunuar për të sjellë një këngë të re. Nuk dihet nëse ky projekt do të jetë një baladë apo një këngë ritmike, por kjo pritet të zbulohet nga vetë ato në ditët në vazhdim./revistawho.com
