Luana Vjollca ka ngjallur kureshtjen e ndjekësve me disa story të publikuara nga Berati, ku shfaqet në një set xhirimi profesional mes kamerave, makinave të produksionit dhe ekipit teknik.
Edhe pse ajo nuk ka zbuluar ende asnjë detaj zyrtar mbi projektin, titullin apo rolin e saj, një element bie menjëherë në sy: bashkëpunimi i mundshëm me Olsi Bylykyn.
Në një video të publikuar sot, Olsi ndan momente nga “Day 16” i xhirimeve të filmit të tij të ri, ku shihet i përqendruar para kamerës. Po atë ditë, Luana ndan pamje nga i njëjti set, duke shtuar dyshimet se ajo është pjesë e këtij projekti filmik – një bashkëpunim i papritur që ka trazuar rrjetin vetëm me disa sekuenca të shkurtra.
Luana shoqëron pamjet me mbishkrimet “Deri në fund dëgjojeni” dhe “Nisim.”, duke lënë të kuptohet se projekti ndodhet në një fazë intensive pune, por pa dhënë asnjë detaj shtesë.
Mesa duket, Luana po përgatitet për një rikthim surprizë, këtë herë jo në skenë, por në ekranin e madh. Ndjekësit po presin me padurim të zbulojnë më shumë mbi rolin e saj dhe mbi projektin që pritet të bëjë bujë sapo të publikohet.
