“Drejt fundit” është filmi shqiptar me regji dhe skenar të Drilon Hoxhës, i cili u shfaq sot premierë në kryeqytet.
Gjinia e filmit është aksion dhe komedi e zezë. Në qendër të tij është një djalë, interpretuar nga Drilon Hoxha, i cili kërkon të fitojë para shumë dhe menjëherë, duke hyrë kështu në situata të errëta.
“Bëhet fjalë për jetën e viteve të fundit në Shqipëri. Që do të thotë se njerëzit nuk kanë më shpirt dhe as ndjenja, por e vetmja gjë ku u ka mbetur mendja janë lekët”, tha Drilon Hoxha, regjisor e skenarist.
Nga sot, filmi “Drejt fundit” do të shfaqet në të gjitha kinematë e Tiranës.
