Pas thuajse tre muajsh sfida dhe emocione në jetën rurale, mbrëmja e sotme (ora 21:00) do të kulmojë me finalen e “Ferma VIP 2”, e cila do të transmetohet live në Vizion Plus dhe Tring.
Pesë finalistët që do të luftojnë për çmimin e madh janë: Big Mama, Big Basta, Erandi, Andueli dhe Andrea. Ata u përzgjodhën përmes një kombinimi votash publike dhe sfidash të përjetuara gjatë qëndrimit në fermë. Sipas organizatorëve, gjatë kësaj periudhe, “ata u dalluan për karakterin dhe mënyrën se si përballuan sfidat e formatit”.
“Ferma VIP 2”, një produksion i Vizion Plus, ka sjellë ndërthurjen e jetës në fshat me përjetime personale, emocione dhe dinamika sociale mes konkurrentëve. Mbrëmja finale do të shoqërohet me performanca speciale dhe hapjen e televotimit publik, i cili do të vendosë se kush do të jetë fituesi i këtij edicioni.
