‘Në Kurthin e Piter Pan’ është kthyer menjëherë në një nga emisionet më të preferuar të publikut shqiptar, kjo për shkak të protagonistëve të vegjël në rolin e gazetarëve. Dalëngadalë, edhe sezonit të dytë i erdhi fundi. Duke qenë se mbrëmja e sotme do të jetë finalja e madhe, Vera Grabocka dhe Alketa Vejsiu kanë menduar të sjellin në ekranin shqiptar një personazh shumë të njohur nga të gjithë. Sipas ‘Revista Class’ bëhet fjalë për një nga moderatoret italiane më në zë, Lorella Cuccarini, e cila drejton emisionet më të pëlqyera në Itali. Ajo do të intervistohet nga vogëlushët dhe me siguri, do të jetë një intervistë e veçantë. Por mbrëmja nuk do mbarojë me kaq. Dy të ftuarit e tjerë do të jenë këngëtarja shqiptare, Arilena Ara dhe ish-futbollisti i njohur Igli Tare. Kujtojmë se Alketa gjithashtu lajmëroi se këtë të hënë do të ketë një surprizë që lidhet me historinë e vogëlushit Xhejson Bafti./revistawho.com
