Mbrëmjen e sotme “MasterChef Junior” preku fundin. Denisa u shpall fituese e edicionit të këtij spektakli të parë për fëmijë, duke rrëmbyer kështu kupën dhe një udhëtim në Disneyland.
Nata finale ishte e mbushur me emocione, megjithatë Denisa dhe Roelti ja dolën mbanë mjaft mirë. Si shefa të vërtetë kuzhine, ata mahnitën të tre ekspertët e jurisë me teknikat e tyre të gatimit. Të dy arritën të realizonin pjata të shijshme, madje të kuruara deri në detaj. Shef Juli, Xheraldina dhe Sokoli e patën shumë të vështirë të zgjidhnin fituesin. Me një diferencë shumë të vogël, Denisa arriti të shpallej fituese dhe ajo u shpreh se është shumë e lumtur për këtë arritje.
Në finale ishin të pranishëm të gjithë ish-konkurentët e “MasterChef Junior” dhe familjarët e dy finalistëve. Megjithatë rrugëtimi i “MasterChef Junior” vazhdon, sepse kanë nisur aplikimet për edicionin e dytë të këtij spektakli. /revistawho.com
