Mbrëmjen e djeshme, në Ulqinj u mbajt ceremonia e finales së festivalit ‘Netët e Klipit Shqiptar’, ku shumë artistë të njohur të skenës shqiptare u vlerësuan me çmime. Mbrëmja u hap me performancën e Rozana Radit, fituesja e edicionit të fundit të festivalit, e më pas vijoi me ndarjen e çmimeve. Irma Libohova dhe Rei Bezhani morën çmimin ‘Dueti më i mirë’ dhe ‘Fabula më e mirë’, Eranda Libohova mori çmimin ‘Kamera më e mirë’ dhe ‘Imazhi më i mirë’. Gjithashtu, Eneda Tarifa u vlerësua me çmimin e ‘Interpretuesja më e mirë’, Alar Band si ‘Grupi më i mirë’, etj. Çfarë ra më tepër në sy ishte drejtimi nga Arjola Shehu, i cili i dha shumë ritëm dhe një bukuri shfaqjes. Moderatorja mori mbështetje dhe nga kolegët e saj ‘online’, të cilët shkruanin fjalët më të mira për të. Një moment emocionues i mbrëmjes së djeshme, ishte dhe ai në kujtesë të Adela Xhamanit, ku në ekran u shfaqën disa nga momentet e saj më të bukura bashkë me stafin, duke qenë se Adela ka drejtuar 2 edicione të këtij festivali. Në fund, çmimi i vendit të parë u rrëmbye nga vëllezërit Endri dhe Stefi, me videoklipin e këngës ‘Emigranti’. Dy artistët u shprehën shumë të emocionuar për këtë vlerësim, pasi kjo është hera e parë në karrierën e tyre që ata rrëmbejnë çmimin e parë./revistawho.com
https://www.instagram.com/p/BxCVKjjnHM_/?utm_source=ig_web_copy_link
