Pas një rrugëtimi të gjatë plot surpriza dhe emocione, “Ferma VIP 2” ka zbuluar pesë finalistët që do të përballen në mbrëmjen e madhe finale për çmimin prej 100 mijë eurosh.
Mbrëmja e fundit solli përballjen mes Andrea-s dhe Yllit, një sfidë që u shoqërua me shumë tension. Në fund, ishte pikërisht Andrea ai që siguroi vendin e fundit në finale, duke u shpallur triumfues në këtë duel.
“Një garë me shumë ethe dhe emocion, por në fund ishte Andrea ai i cili arriti të dalë triumfator,” u theksua gjatë episodit.
Me plotësimin e “puzzle”-it, tashmë është gjithçka gati për finalen që do të mbahet më 20 qershor. Big Mama, Big Basta, Andrea, Andueli dhe Erandi janë pesë emrat që do të garojnë për titullin dhe për çmimin prej 100 mijë eurosh.
“Big Mama, Big Basta, Andrea, Andueli dhe Erandi do të mësojnë se kush prej tyre do të jetë fituesi i edicionit të dytë të Ferma VIP 2 dhe ai që do të marrë 100 mijë euro.”
Të gjithë sytë janë tani te nata e madhe finale. Kush do ta rrëmbejë çmimin këtë herë?
