Ato rrallë herë bëjnë dedikime për njëra-tjetrën edhe pse janë mikesha shumë “të lashta”. Bëhet fjalë për Fiori Dardhën dhe Rozana Radin, të cilat prej 20 vitesh vazhdojnë të ruajnë miqësinë e tyre si gjënë më të shtrenjtë. Në këtë ditë të rëndësishme për Rozanën, e cila feston ditëlindjen e saj, nuk mund të mungonte një urim nga mikesha e saj, Fiori. Përmes një postimi të bërë në profilin e saj në Instagram, Fiori shkruan: “Një miqësi si kjo e jona, nuk ka nevojë për shumë fjalë, për dedikime të ndjera e për citate shkrimtarësh. Se sa e fortë është miqësia jonë e tregojnë vitet (kanë kaluar më shumë se 20 vjet mooooj). Të dua shumë Roz”.
