Edhe pse thotë se nuk është shembull për t’u ndjekur, pasi s’është dietologe që mund të japë receta për këdo, Fiori Dardha ia ka dalë me trupin e saj. Regjimi i mirë, konsumimi i reçelit dhe shumë ujë gjatë ditës, janë sekretet që ka zbuluar për të shtuar në peshë në kohë rekord. Moderatorja e programit investigativ në Top Channel “Fiks Fare” rrëfen për “Story” eksperiencën personale duke qenë kundër rrymës edhe kësaj here. Ndërkohë që të gjithë duan të humbin në peshë, ajo po punon për të shtuar kile. “Ishte testi i intolerancës ushqimore që konstatoi se unë isha intolerante ndaj glutenit, e ky rezultat më detyroi të mbaja disa muaj një dietë të fortë me produkte pa gluten e pa maja. Pasi ndërpreva dietën, filluan të vinin edhe kilogramët e parë”, ka thënë ndër të tjera Fiori Dardha në një intervistë për revistën “Story”.
