Fiori Dardha nuk ka lënë rast pa treguar se ka një lidhje shumë të ngushtë me djalin e saj, Abelin, i cili rritet dita-ditës. Tashmë ai ka mësuar të shkruajë shumë mirë dhe si çdo fëmijë i ditëve të sotme ka arritur të mësojë në mënyrë të shkëlqyer edhe gjuhën angleze. Madje Abeli siç duket ka filluar t’i vërë në dukje edhe mami Fiorit “gabimet” në përdorimin e kësaj gjuhe ndërkombëtare. Ditën e sotme moderatorja e njohur ka publikuar në ‘Instagram’ disa mesazhe private me Abelin, të cilat edhe vetë Fiorit i kanë bërë përshtypje. Në mesazhe moderatorja e ka pyetur djalin në anglisht “si je?” dhe ai i është kthyer: “Po ti s’di anglisht o ma”. Sigurisht që Fiori e ka kaluar këtë situatë me të qeshur dhe prandaj i ka ndarë mesazhet me të gjithë ndjekësit në rrjete sociale. “Fol me kalamanin po deshe…Të merr erzin! Abel zemra”, ka shkruar moderatorja bashkangjitur mesazheve.
Në fakt Fiori nuk duhet të jetë e vetmja që përballet me situata të tilla, sepse të gjithë e dimë që fëmijët sot janë shumë të përditësuar me gjuhët e huaja dhe teknologjinë. Kujtojmë se Abeli është fëmija i vetëm i moderatores së njohur nga martesa e saj me regjisorin Donard Hasani. /revistawho.com
