Pas fitores së bujshme në sezonin e dytë të “Ferma VIP”, Big Basta ka ndarë me publikun planet që ka për shumën prej 100 mijë eurosh që fitoi si çmim të madh. Artisti duket se është gati për një rikthim të fuqishëm në muzikë.
“Planet kryesore janë publikimi i albumit, ku më ka mbetur vetëm një këngë për ta përfunduar. Do të bëj edhe promovimin e tij,” tha ai, duke lënë të kuptohet se karriera muzikore do të jetë prioritet.
Aktualisht, Big Basta është aktiv edhe në radio dhe po shqyrton bashkëpunime të reja. Ai zbuloi se një nga projektet më të afërta do të jetë një këngë me Erandin, e planifikuar për t’u publikuar gjatë verës.
Pavarësisht angazhimeve në muzikë, artisti nuk ka lënë pas dore jetën personale:
“Dua ta shijoj këtë moment pranë njerëzve të mi më të dashur,” shtoi ai, duke treguar se familja mbetet gjithmonë në plan të parë.
Një fitore, një album gati për lansim dhe plane të reja në horizont – Big Basta duket se e ka nisur verën në formën më të mirë!
