Ndonjëherë të gjithëve na ndodh të vrasim mendjen se si erdhëm deri këtu! Po, po. Bota është bërë një vend tejet i çuditshëm.
E mbani mend kur Lily Allen mësoi se këmbët e saj “vlerësohen mjaft lart në internet” dhe vendosi kësisoj të hapë një faqe në OnlyFans? Siç duket, kjo është një sipërmarrje më fitimprurëse për të sesa vetë muzika!
Këngëtarja e hitit “Smile” postoi një foto promovuese për faqen e saj “OnlyFeet” në rrjetet sociale, ku mori një koment nga dikush i pakënaqur me rrugën që ka marrë karriera e saj. Ai shkroi:
“Imagjino të jesh një nga yjet më të mëdhenj të muzikës pop në Europë dhe të reduktohesh në këtë.”
Por Lily kishte diçka për t’i thënë këtij personi mbi atë që do të thotë të jesh një yll i madh pop-i në ditët e sotme. Në botën e shitjes së muzikës online, thjesht nuk ka më para — diçka që shumë artistë e kanë theksuar.
