E kthyer më e fortë se kurrë, Kesha, tregon se tani është shumë mirë pas luftës ligjore me Dr.Luke. “Fitova kurajon time përsëri, dhe tani më të fortë se më parë”, thotë këngëtarja për revistën Billboard. Në vitin 2014, Kesha, denoncoi Dr.Luke-n, duke thënë se ai e ka abuzuar fizikisht dhe emocionalisht deri në pikën ku këngëtarja rrezikonte të humbiste jetën. Pas traumës së shkaktuar dhe gjyqeve të shumta ajo pranon se ka nisur dhe terapinë, e cila duket se e ka ndihmuar shumë të kanalizojë energjitë më tepër tek muzika e saj. Ajo tregon për Billboard se tani është e fokusuar më tepër tek lumturia dhe pozitiviteti në jetë. Kesha u kthye vitin e kaluar me baladën “Pray” e cila shumë shpejt u bë një hit, dhe pati shumë klikime nga njerëz që gjetën veten tek dhimbja e artistes.
