Këngëtari me origjinë shqiptare Ermal Meta është ofenduar nga këngëtari italian Marco Castoldi i njohur si Morgan. Arsyeja është mospranimi i këngës së këtij të fundit në festivalin më të rëndësishëm të këngës në Itali, Sanremo. Në një intervistë për Red Ronnie Morgan tha: “Aftësitë duhet të shpërblehen, kur ju shikoni një juri që të shpërblen me m*t atëherë nuk është mirë. Kjo është ajo që i thashë Baglionit: Ai ka refuzuar këngën time, por nuk ka marrë as Tenco-n e as Rodrigo-n, ai zgjodhi Fachinetti-n, Alessandra-n, Annalisa, kush është ai? Ndoshta kënga ime nuk është më e mira, por a është e Endrigo-s dhe Gino Pioli-t? Kush është aty? Fachinetti! Fabrizio Moro! Kjo është pra, Sanremo i Biglionit fiton Fabrizio Moro-n, i cili më pas qëndron me Ermal Merdal, dmth Meta si Metadoni”. Menjëherë ka reaguar në “Twitter” këngëtari shqiptar: “Për Morgan! Shpresoj të jesh krenar për njeriun që je. Unë për vete jam edhe kur ti më quan ‘merdal’ ose ‘metadon’. Por ama unë nuk kuptoj pse nuk jam ekspert ne asnjërën prej këtyre gjerave!”- shkruan Meta. Ndërkohë këngëtari shqiptaro-italian dikur ka qenë një fans i Morgan.
“Sa e trishtë Marco. Udhëtimi i parë që bëra menjëherë sapo mora lejen e drejtimit ishte të vija në koncertin tënd. Mjaft me këto budallallëqe, mos e harxhoni kot potencialin tuaj të madh. Publikoni një tjetër këngë dhe na lini pa fjalë. Të paktën unë pres përsëri nga ju”-përfundon Meta.
