Në një rrëfim tejet emocional në emisionin “Mirëmbrëma yje”, këngëtarja Jonida Maliqi hapi zemrën për një nga kapitujt më të vështirë të jetës së saj si nënë. Ajo tregoi për periudhën kur u përball me frikën dhe pasigurinë se djali i saj mund të ishte ndryshe nga bashkëmoshatarët, një përjetim që e tronditi thellë dhe e bëri të ndiente se po përballej me provën më të madhe të jetës.
“Ka qenë një moment ku më është dashur të përballem me një situatë që ishte drama e jetës sime. Ku supozohej që Dani ishte ndryshe nga fëmijët e tjerë. Kjo ishte një situatë që mendova se nuk kishte shpresë, por e kisha shumë gabim. Nuk kisha informacion. Nuk dita ta përballoj për momentin. Kam dashur t’i jap fund jetës për hir të së vërtetës.”
Ajo u ndal te lidhja e veçantë me djalin e saj, duke e përshkruar atë si dhuratën më të madhe të jetës dhe burimin e dashurisë më të pastër që ka njohur.
“Mua më ka bekuar Zoti me Danin. Unë kam një fëmijë që më jep dashurinë që s’do ma jepte asnjë mashkull në botë dhe jam shumë e lumtur që është një burrë,” tha Jonida.
