Një nga personazhet më të komentuara në rrjet, Bonnie Blue, ndodhet nën hetim serioz në Bali pas arrestimit të saj të fundit. Sipas raportimeve ndërkombëtare, modelja 26-vjeçare po akuzohet për krijim materialesh të ndaluara gjatë një turneu me ndjekës të saj dhe mund të përballet me pasoja të rënda ligjore.
Ekspertë lokalë kanë paralajmëruar se, në skenarin më të keq, ajo mund të mbahet në një burg indonezian deri në fillim të vitit të ardhshëm, teksa autoritetet vazhdojnë hetimin. Mediat e huaja përmendin se ajo ishte ndaluar së bashku me një grup turistësh meshkuj.
Ndërkohë, ka të dhëna se influencerja ka pasur një jetë të ndjerë publike, e cila ka tërhequr shpesh vëmendje dhe debate online. Episodi i fundit ka shkaktuar interes edhe për shkak të 17 personave të tjerë të përfshirë në këtë çështje.
Eksperti indonezian i imigracionit, Philo Dellano, komentoi situatën duke thënë: “Ajo po mbahet nga policia, që do të thotë se ata mund të vazhdojnë ta ndjekin penalisht. Por sipas mendimit tim, nëse ka një ‘dorë të padukshme’ që kërkon që ajo të deportohet, ajo mund të transferohet në zyrën më të afërt të imigracionit, nga ku do të deportohet nga Indonezia.”
Sipas autoriteteve, një pjesë e turistëve që u arrestuan së bashku me të janë tashmë të lirë. Raportohet se “14 djemtë e rinj australianë që policia arrestoi së bashku me yllin e filmave porno tani janë liruar pa akuza”, duke mbyllur kështu pjesën më të diskutuar të çështjes deri tani.
Ende mbetet për t’u parë se çfarë vendimi do të marrë gjykata dhe nëse Bonnie do të mund të largohet e lirë nga Indonezia apo do të përfundojë nën një dënim të ashpër.
