E ftuar në emisionin ‘Ditë e Re’, Fjodora Fjora është pyetur rreth mendimit të saj për kompeticione si ‘Eurovizioni’, Sanremo dhe a e meriton Alketa Vejsiu prezantimin e këtij të fundit, në të cilin është bërë e ditur se do të shfaqet në natën e tretë.
“Nuk e di, mua s`më intereson fare ‘Sanremo’. Po flet me një njeri që nuk e nget fare. Mund të më pëlqejnë këngëtarë të caktuar italianë, muzika e tyre, por jo ‘Sanremo’. Mund të shoh ndonjë emision francez, ndonjë në ‘Netflix’. Nuk më pëlqen, është shumë i vjetëruar në konceptin tim. ndoshta para 15, 20 vitesh. Nuk jam as e dhënë për të ndjekur Festivalin e Këngës në RTSH. Unë ndjek më shumë Këngën Magjike. Nuk e kuptoj fare këtë luftën ‘Eurovizion’, më duket një fshatarësi e madhe, e ngelur pas mode. Pse duhet të merremi me një ‘Eurovizion’, është ndoshta ngjarja më koti që ndodh në Europë përsa i përket artit dhe kulturës”, u shpreh Fjodora rreth festivaleve të njohura.
Kujtojmë se edhe figura të tjera të njohura si Monica Belluci apo Michelle Hunziker vendosën të heqin dorë nga ky festival, pas deklaratës së producentit, Amadeus i cili e vuri theksin tek bukuria e prezantueseve të zgjedhura dhe jo aftësitë e tyre në moderim./revistawho.com
