Moderatorja e dashur për publikun, Fjodora Fjora para 5 vitesh vendosi që të biësojë, Alteon. Gazetarja gjithmonë është shprehur se ardhja në shtëpi e Alteos dhe bashkëjetesa me të ka qënë një nga gjërat më të bukura të jetës së saj. Që pas marrjes së tij në shtëpi, për Fjodorën ka ndryshuar edhe mënyra si festojnë festat dhe tashmë cdo gjë ka kuptim për të. Në një intervistë të dhënë së fundmi për revistën ”Bordo”, ajo ka treguar për 5 vitet e bukura të jetës së saj dhe ndjesinë e të qenurit nënë. Meqënëse jemi në ditë festash theksi është vënë tek to dhe Fjodora ka treguar ndikimin e fortë që ka pasur fëmija i saj.
”Ka ndryshuar shumë! Unë kam qenë një njeri që as pemë nuk mbaja në shtëpi, duke qenë se familjen time e kisha jashtë Shqipërisë dhe unë vetë isha gjithë kohës jashtë shtëpisë për shkak të angazhimeve. Të them të drejtën nuk e ndjeja fare të krijoja në shtëpinë timë një atmosferë festash. Por, që ditën që Teo ka hyrë në shtëpi gjithçka ka ndryshuar. U shtuan dritat, pema, zbukurimet, dhuratat, momentet ngazëlluese, pra i gjithë përjetimi i festave me ardhjen e tij është krejt ndryshe. Më kujtohet viti i parë kur Teo ishte me mua dhe vendosa që Vitin e Ri ta bënim të dy bashkë, tashmë si familje por nuk gjej fjalë të përshkruaj emocionin që ndjeja. Kisha nevojë të rrija vetëm me të, e të krijonim të dy bashkë atë atmoferën e ngrohtë të familjes”,- shprehet moderatorja.
Fjodora shtoi se në këto ditë festash i pëlqen që t’i festojë pranë familjes dhe Greqia do të jetë destinacioni për Vitin e Ri./revistawho.com
