Pas largimit të papritur nga “Big Brother VIPKosova”, Fjolla Morina ka vendosur të thyejë heshtjen dhe t’u drejtohet për herë të parë ndjekësve të saj në rrjetet sociale. Edhe pse qëndrimi i saj në shtëpinë më të famshme në Kosovë ishte i shkurtër, prania e këngëtares nuk kaloi pa u vënë re dhe u shoqërua me shumë komente.
Reagimi i saj erdhi përmes një postimi në Instagram, ku Fjolla zgjodhi të falënderojë publikun për mbështetjen gjatë eksperiencës në reality show. “Ju dua ata që më mbështetën… Faleminderit”, shkroi ajo krahas një fotoja goxha provokuese në një tualet djemsh.
Këngëtarja hyri në BBVK si një nga emrat më të përfolur të këtij edicioni, duke ngritur pritshmëri të mëdha për mënyrën se si do të sillte energjinë e saj brenda shtëpisë. Megjithatë, vetëm pas disa javësh, Fjolla njoftoi banorët dhe produksionin se kishte vendosur të largohej vullnetarisht, duke e cilësuar këtë si një zgjedhje personale. Pas përfundimit të spektaklit Prime, ajo u largua zyrtarisht nga gara.
