Big Brother VIP Kosova ka nisur me surpriza të fuqishme dhe dëshmitë e para po vijnë direkt nga brenda shtëpisë. Fjolla Morina hyri papritur në BBVK dhe duket se surpriza nuk ishte vetëm për publikun por edhe për vajzën e saj!
Gjatë një bisede të shkurtër me banorët, Fjolla rrëfeu se hyrjen e kishte mbajtur sekret deri në momentin e fundit, duke mos e ndarë as me njerëzit më të afërt. Madje, edhe vajza e saj e madhe Lediana ka mësuar gjithçka vetëm nga thashethemet dhe jo nga një njoftim i nënës.
Në rrjetet sociale shpërtheu menjëherë reagimi i Ledianës, e cila e pranoi hapur surprizën por edhe mbështetjen e plotë ndaj nënës: “Do jem me ty deri në fund, edhe pse s’e dija sigurt nëse do hyje në BBVK4.”
Ndërkohë, vetë Fjolla duket se ka hyrë në format pa strategji të përgatitur më parë. Sipas këngëtares, synimi i saj është thjesht të shijojë garën, të argëtohet dhe të sjellë atmosferë pozitive në shtëpi.
Nëse kjo hyrje e fshehtë do të krijojë situata të reja apo debate të papritura, mbetet për t’u parë por një gjë është e sigurt: BBVK sapo mori tjetër ritëm!
