Fjolla Morina shpesh është vendosur në qendër të vëmendjes për ndërhyrjet e saj estetike. Megjithatë vetë këngëtarja i ka mohuar zërat dhe ka treguar se operacioni i vetëm që ka kryer është lipostucion (thithje dhjami) në fundshpinë. Ndërsa përsa i përket fytyrës ajo ka treguar më parë se nuk ka kryer asnjë lloj ndërhyrje dhe se nuk dëshironte kurrë ta prekte. Gjithsesi duket se Fjollës i është dashur t’i nënshtrohet një ndërhyrje estetike, injektim botoksi për shtrirjen e rrudhave në fytyrë. Këngëtarja nuk ka ngurruar që këtë gjë ta ndajë me të gjithë ndjekësit në ‘Instagram’. Fjolla e cilëson si një ndërhyrje të domosdoshme për të qenë sa më perfekte. Në fakt personazhet e njohur shpesh detyrohen të shkojnë drejt perfeksionit për t’u shfaqur gjithmonë në formë përpara publikut. /revistawho.com
