Së fundmi, Fjolla Morina ka qenë në qendër të vëmendjes të mediave, për shkak të veshjes që këngëtarja kishte zgjedhur për të performuar në Skënderaj. Fjolla u shfaq me një ‘body’ që tregonte në mënyrë perfekte format e saj dhe për këtë arsye, zgjedhja e saj u komentua si e tepruar. Këngëtarja nuk ka hezituar të reagojë pas këtyre lajmeve dhe në një status në ‘Instagram’ ka shkruar: “Sot jam zgjuar me disa tituj portalesh të tmerrshme që i referoheshin dukjes dhe performancës sime në Skenderaj! Wawww nuk po i besoja syve tek lexoja disa prej tyre. Me pak fjalë historia është kjo:
Fjolla Morina është një këngëtarë performuese e një zhanri të caktuar muzike. Ka një stil të sajin dhe nuk dëmton askënd që zgjedh të performojë në një qytet me një veshje të cilën nuk e ka për here te pare. Kam performuar dhe kënduar siç bëjnë të gjithë këngëtaret e zhanrit tim. Për mua të gjitha skenat janë njësoj. Ata që kishin ardhur në shesh ishin aty për të parë e dëgjuar Fjollën që shohin në TV jo Fjollën që doni ju. Po e theksoj dhe një herë isha mbrëmë në Skenderaj e ftuar si Artiste për të paerformuar jo për të dhënë intervistë. Por nuk më çudit fakti që kaq shumë ju ka bërë përshtypje veshja ime si e Rita Orës kur performoi në Prishtinë”. Sipas saj, veshja e zgjedhur nuk ka shkaktuar asnjë problem, për më tepër këto komente nuk i ka lexuar asnjëherë për veten e saj më parë, pavarësisht se daljet e saj publike kanë qenë pothuajse njësoj./revistawho.com
https://www.instagram.com/p/B0VmbzYpKjc/?igshid=obrxhxh0o7da
